{"id":1261,"date":"2025-02-02T15:07:54","date_gmt":"2025-02-02T15:07:54","guid":{"rendered":"https:\/\/kurdi.komunar.net\/?p=1261"},"modified":"2025-02-02T15:07:54","modified_gmt":"2025-02-02T15:07:54","slug":"dogu-dive-jin-ji-bo-pevajoya-careseriye-tevkariye-bikin","status":"publish","type":"post","link":"https:\/\/kurdi.komunar.net\/?p=1261","title":{"rendered":"Dogu: Div\u00ea jin ji bo p\u00eavajoya \u00e7areseriy\u00ea tevkariy\u00ea bikin"},"content":{"rendered":"<p><strong>Dogu: Div\u00ea jin ji bo p\u00eavajoya \u00e7areseriy\u00ea tevkariy\u00ea bikin <\/strong><\/p>\n<p>Endama Konseya R\u00eaveber a KJK&#8217;\u00ea \u00c7\u00eegdem Dogu got, &#8220;Misogerkirina heb\u00fbna jin li navenda p\u00eavajoya civak\u00ee, di avakirina a\u015ftiy\u00ea de p\u00eangaveke kr\u00eet\u00eek e. Xwed\u00eederketina jinan a li v\u00ea p\u00eavajoy\u00ea, meseleyek a heb\u00fbn\u00ea ye.&#8221;<\/p>\n<p>&nbsp;<\/p>\n<p>\u00c7\u00ceGDEM DOGU<\/p>\n<ul>\n<li>ANF<\/li>\n<\/ul>\n<p>\u00c7\u00eegdem Dogu, da xuyakirin ku di navbera \u00e7areseriya pirsgir\u00eaka Kurd \u00fb \u00e7areseriya pirsgir\u00eaka jin\u00ea de hevgirt\u00eeb\u00fbneke yekser heye \u00fb got, &#8220;\u00c7areser\u00ee \u00e7iqas civak\u00ee bibe, w\u00ea ewqas may\u00eendetir bibe. Eger jin \u00eeqna bibin \u00fb a\u015ftiy\u00ea bikin, w\u00ea tevahiya civak a\u015ft\u00ee p\u00eak b\u00eenin. H\u00eav\u00ee di \u00eerade \u00fb t\u00eako\u015f\u00eena jin\u00ea ya r\u00eaxistinb\u00fby\u00ee de ye&#8221; \u00fb an\u00ee ziman ku div\u00ea ji her qada jiyan\u00ea jin li hev bicivin \u00fb perspekt\u00eefeke jin\u00ea ava bikin.<\/p>\n<p>&nbsp;<\/p>\n<p>Dogu, da zan\u00een ku li S\u00fbriyey\u00ea p\u00ea\u015fketina t\u00eako\u015f\u00een \u00fb v\u00eena jin\u00ea gelek gir\u00eeng e \u00fb got ji bo v\u00ea j\u00ee tevgereke jinan a ku tifaqan j\u00ee derbas dike \u00fb yekrengiy\u00ea p\u00eak t\u00eene p\u00eaw\u00eest e. Dogu, diyar kir ku ji k\u00eejan gel, ol \u00fb mezheb dibe bila bibe, div\u00ea jin tecr\u00fbbey\u00ean xwe bi hev re parve bikin \u00fb t\u00eako\u015f\u00eena hevpar xurt bikin. Dogu, destn\u00ee\u015fan kir ku div\u00ea jin siberoja S\u00fbriyey\u00ea diyar bikin, modela Bakur \u00fb Rojhilat\u00ea S\u00fbriyey\u00ea li hem\u00fb S\u00fbriy\u00ea belav bibe \u00fb \u015fore\u015fa jin\u00ea bibe mal\u00ea tevahiya S\u00fbriyey\u00ea. Dogu, got ku demokrat\u00eekb\u00fbna S\u00fbriyey\u00ea ancex bi v\u00ea yek\u00ea dikare p\u00eak were.<\/p>\n<p>Endama Konseya R\u00eaveber a KJK\u2019\u00ea \u00c7\u00eegdem Dogu, li ser avakirina S\u00fbriyeya n\u00fb \u00fb rola jin\u00ea ya di p\u00eavajoya \u00e7areseriy\u00ea de ku R\u00eaber Apo dixwaze p\u00ea\u015f bixe ji Medya Haber TV\u2019y\u00ea re nirxandin kir.<\/p>\n<p>Dogu, p\u00eavajoya d\u00eerok\u00ee ya ku ji aliy\u00ea R\u00eaber Apo ve di sedsala 21\u2019an de ji bo Tirkiyeke n\u00fb, demokrat\u00eek \u00fb azad hatiye destp\u00eakirin, silav kir \u00fb got ku ev p\u00eavajo di nava rojeva raya gi\u015ft\u00ee, Tirkiyey\u00ea, \u00e7apemeniya c\u00eehan\u00ea \u00fb derdor\u00ean siyas\u00ee de ciheke berfireh girtiye.<\/p>\n<p>Dogu, an\u00ee ziman ku pirsgir\u00eaka Kurd bi taybet\u00ee pi\u015ft\u00ee avab\u00fbna komara Tirkiyey\u00ea ev 100 sal e li ser pol\u00eet\u00eekay\u00ean \u00eenkar \u00fb qirkirina Kurdan dewam dike \u00fb got, \u201cEv p\u00eavajoya 100 sal\u00ee di nav xwe de di gelek qonaxan de derbas b\u00fbye. R\u00eabertiy\u00ea me v\u00ea p\u00eavajoy\u00ea li gor\u00ee w\u00ea digire dest. Pa\u015fxaneya w\u00ea ya d\u00eerok\u00ee \u00fb ge\u015fedan\u00ean hey\u00ee ketine ser hev \u00fb ev p\u00eavajo veguheriye p\u00eavajoyeke ku kr\u00eezan berhev dike \u00fb k\u00fbrtir dike. Ji ber v\u00ea yek\u00ea, hem pirsgir\u00eaka Kurd hem j\u00ee pirsgir\u00eak\u00ean gi\u015ft\u00ee y\u00ean li Rojhilata Nav\u00een gelek\u00ee tevl\u00eehev b\u00fbne. Ji bil\u00ee van rastiy\u00ean d\u00eerok\u00ee \u00fb hey\u00ee, p\u00eaw\u00eest e rastiya \u015eer\u00ea C\u00eehan\u00ea y\u00ea S\u00eayem\u00een li ber \u00e7avan b\u00ea girtin.<\/p>\n<p>Mijara ku dixwazim bal\u00ea biki\u015f\u00eenim ser ev e: Ev pirsgir\u00eak hema ten\u00ea bi gotina \u2018min \u00e7areser kir\u2019 \u00e7areser nabe. Bi rast\u00ee j\u00ee mijareke ku div\u00ea bi baldariyeke mezin, cidiyet, berpirsyar\u00ee, hevgirt\u00ee \u00fb ya her\u00ee gir\u00eeng j\u00ee div\u00ea bi parad\u00eegmayeke diyarker were \u00e7areserkirin. Em dizanin ku R\u00eabertiya me ji destp\u00eaka sal\u00ean 90&#8217;\u00ee \u00fb vir ve bi v\u00ea mijar\u00ea re mij\u00fbl dibe. W\u00ea dem\u00ea R\u00eaber Apo diyar kirib\u00fb ku ew ji bo \u00e7areseriy\u00ea li muxatab digere \u00fb di hevd\u00eetin\u00ean daw\u00ee de j\u00ee got ku &#8216;Ez h\u00ea j\u00ee li heman cih\u00ea me&#8217; daxwaza xwe ya \u00e7areser\u00ee \u00fb a\u015ftiy\u00ea t\u00eene ziman \u00fb behsa muxatabek dike. \u00c7areseriya pirsgir\u00eaka Kurd w\u00ea her ti\u015ft\u00ee \u00e7areser bike? Dibe ku ji sed\u00ee sed her ti\u015ft\u00ee \u00e7areser neke, l\u00ea bel\u00ea di war\u00ea avakirina hawireke demokrat\u00eekb\u00fby\u00een\u00ea de w\u00ea bibe gaveke mezin \u00fb w\u00ea gelek pirsgir\u00eakan heta asteke mezin \u00e7areser bike.\u201d<\/p>\n<p>Dogu, destn\u00ee\u015fan kir ku li hember\u00ee berxwedan \u00fb serhildana Kurdan bi dem\u00ea re pol\u00eet\u00eekayeke s\u00eestematik a \u00eenkar \u00fb \u00eemhay\u00ea hatiye p\u00ea\u015f xistin \u00fb wiha dom kir: \u201cV\u00ea p\u00eavajoy\u00ea \u015fekl\u00ea dewlet\u00ea y\u00ea taybet afirand. Ev pol\u00eet\u00eeka bi awayek\u00ee sab\u00eet \u00fb dogmat\u00eeze hat me\u015fandin \u00fb b\u00fb pol\u00eet\u00eekayeke ku nay\u00ea guhertin. Heman pol\u00eet\u00eeka niha j\u00ee dewam dike. AKP&#8217;\u00ea her \u00e7end \u00eed\u00eea kir ku dema were ser desthilatdariy\u00ea w\u00ea van pol\u00eet\u00eekayan biguher\u00eene j\u00ee, berovaj\u00ee k\u00fbrtir kir.<\/p>\n<p>M\u00eenak li her devera Tirkiyey\u00ea jin t\u00ean ku\u015ftin, rast\u00ee tundiy\u00ea \u00fb \u00ear\u00ee\u015f\u00ean zayend\u00ee t\u00ean. Jin di hem\u00fb qad\u00ean jiyan\u00ea de t\u00ean ist\u00eesmarkirin. Bi awayek\u00ee azad fikrandin bi temam\u00ee ji hol\u00ea hat rakirin, kes nikare fikr\u00ean xwe bi awayek\u00ee azad \u00eefade bike. Hinek l\u00eager\u00een \u00fb axaftin cuda b\u00ean kirin, yekser t\u00ean girtin. Serok\u00ea partiyan j\u00ee di nav de gelek kes li girt\u00eegehan t\u00ean ragirtin. Rojnamevan ji ber n\u00ear\u00een \u00fb xebat\u00ean xwe y\u00ea p\u00ee\u015fey\u00ee t\u00ean girtin. Li Tirkiyey\u00ea ber\u00ea j\u00ee zext li ser rojnamevanan heb\u00fb, \u00eero j\u00ee z\u00eade b\u00fbye. Hunermend, akadem\u00eesyen \u00fb rew\u015fenb\u00eer rast\u00ee heman zextan t\u00ean. Hemwelat\u00eey\u00ean ji r\u00eaz\u00ea, di \u00eetirazeke her\u00ee bi\u00e7\u00fbk da j\u00ee bi zordariy\u00ea ra r\u00fb bi r\u00fb dim\u00eenin. Karker, kes\u00ean teqaw\u00eetb\u00fby\u00ee, xwendekar \u00fb hem\u00fb be\u015f\u00ean civak\u00ea ji ber neraz\u00eeb\u00fbneke her\u00ee bi\u00e7\u00fbk j\u00ee, bi girtin, b\u00eakar\u00ee yan j\u00ee \u00ea\u015fkencey\u00ea re r\u00fb bi r\u00fb dim\u00eenin.<\/p>\n<p><strong>LI HOL\u00ca TEROREKE MEZIN A DEWLET\u00ca HEYE, DIV\u00ca ZEM\u00ceNEKE B\u00ca\u015e\u00ceDET B\u00ca AVAKIRIN<\/strong><\/p>\n<p>Heman p\u00eakan\u00een li dervey\u00ee s\u00eenor\u00ean Tirkiyey\u00ea j\u00ee dewam dikin. Di nava s\u00ea roj\u00ean daw\u00ee de di \u00ear\u00ee\u015f\u00ean li hember\u00ee Rojava \u00fb Ba\u015f\u00fbr\u00ea de z\u00eadey\u00ee 20 kesan jiyana xwe ji dest dan. Hem li nava Tirkiyey\u00ea hem j\u00ee li dervey\u00ee s\u00eenor bi hinceta &#8220;teror\u00ea\u201d komkujiy\u00ean mezin t\u00ean kirin. Dewleta Tirk her tim hincetek ji bo van \u00ear\u00ee\u015fan peyda dike, siv\u00eel, zarok, hunermend \u00fb jin\u00ean Kurd dike hedef. M\u00eenak li Ti\u015fr\u00een\u00ea, Bav Teyar hate qetilkirin. P\u00ea\u015feng \u00fb r\u00eaveberiy\u00ean me y\u00ean jin bi awayek\u00ee s\u00eestemat\u00eek t\u00ean hedefgirtin. Ev gel welatpar\u00eaz e, mirov\u00ean ku dixwazin ax \u00fb j\u00eengeh\u00ean xwe bipar\u00eazin. S\u00fbc\u00ea van mirovan \u00e7i ye? S\u00fbc\u00ea jin \u00fb zarokan \u00e7i ye?<\/p>\n<p>Ji bo Ba\u015f\u00fbr\u00ea Kurdistan\u00ea j\u00ee rew\u015f ne cuda ye. Di roj\u00ean daw\u00ee de li nav\u00e7eya Ranya \u00fb Behd\u00eenan\u00ea 6 siv\u00eelan jiyana xwe ji dest dan. Her wiha 2 le\u015fker\u00ean Iraq\u00ea \u00fb p\u00ea\u015fmergeyek hatin ku\u015ftin. Ev hem\u00fb \u00ear\u00ee\u015f ji aliy\u00ea dewleta Tirk ve hatin kirin. Tirkiye hem li nava s\u00eenor\u00ea xwe hem j\u00ee li dervey\u00ee s\u00eenor\u00ea xwe bi heman pol\u00eet\u00eekayan, komkujiy\u00ean mezin dike.<\/p>\n<p>Ji aliyek\u00ee ve hov\u00eetiyeke mezin dike, li aliy\u00ea din j\u00ee atmosfereke m\u00eena ku di l\u00eager\u00eena \u00e7areseriy\u00ea de ye n\u00ee\u015fan dide. L\u00ea bel\u00ea nab\u00eaje \u2018\u00e7areser dikim\u2019, p\u00eavajoy\u00ea di nava nediyariyek de dih\u00eale. Ji bil\u00ee gotina \u2018Bila PKK\u2019\u00ea \u00e7ekan deyne\u2019 ti\u015ftek din nab\u00eaje. R\u00eabert\u00ee \u00fb em parastina avakirina zem\u00eeneke demokrat\u00eek \u00fb b\u00ea \u015f\u00eedet dikin. L\u00ea ev ne ti\u015ftek\u00ee yek al\u00ee ye. \u015e\u00eedet \u00fb terora dewlet\u00ea ya gelek\u00ee mezin heye.<\/p>\n<p>B\u00fbyer\u00ean t\u00ean jiy\u00een, ji aliy\u00ea hiq\u00fbqa navnetewey\u00ee ve s\u00fbc\u00ea \u015fer e. Pol\u00eet\u00eekay\u00ean d\u00eektator\u00ee y\u00ean ku desthilatdariya hey\u00ee li Tirkiyey\u00ea dime\u015f\u00eene, roj bi roj wel\u00eat ji \u00e7areseriya demokrat\u00eek d\u00fbr dix\u00eene.<\/p>\n<p>Ji bo demokrat\u00eekb\u00fby\u00eena p\u00eavajoy\u00ean hiq\u00fbq\u00ee, zanekirina gel \u00fb ewlekirina tevl\u00eeb\u00fbna xurt a jinan li p\u00eavajoy\u00ea, xwed\u00ee gir\u00eengiyeke mezin e. Di v\u00ea xal\u00ea de ne ten\u00ea partiy\u00ean muxal\u00eef, div\u00ea r\u00eaxistin\u00ean civaka siv\u00eel \u00fb tevger\u00ean jinan j\u00ee \u00e7alaktir bin.<\/p>\n<p>Di p\u00eavajoyeke \u00e7areseriy\u00ea ya ku be\u015f\u00ean civak\u00ee t\u00ea de cih digirin de rola jin\u00ea xwed\u00ee gir\u00eengiyeke jiyan\u00ee ye. Parad\u00eegma \u00fb felsefeya jiyan\u00ea ya R\u00eaber Apo daniye p\u00ea\u015fiya xwe, li ser bingeha civak\u00eeb\u00fbn\u00ea ye. Div\u00ea p\u00eavajoya \u00e7areseriy\u00ea xwed\u00ee karakterek\u00ee civak\u00ee be. Eger gel d\u00ea a\u015ftiy\u00ea p\u00eak b\u00eene, div\u00ea ev p\u00eavajo civak\u00ee be. Ji ber ku y\u00ea a\u015ftiy\u00ea p\u00eak b\u00eene gel e. Avaniya dewlet\u00ea ya hey\u00ee \u00fb feraseta desthilatdariy\u00ea hilwe\u015fiyaye. Ji ber ku \u00e7areseriya v\u00ea s\u00eestem\u00ea n\u00eene \u00fb dij civak\u00ee ye. Lewma civak\u00eekirina \u00e7areseriy\u00ea xwed\u00ee gir\u00eengiyeke mezin e. Di v\u00ea \u00e7ar\u00e7ovey\u00ea de bi taybet\u00ee rola jin\u00ea kr\u00eet\u00eek e. Jiyaneke ku jin l\u00ea nebin, ne jiyanek raste. Yek ji felsefey\u00ean bingeh\u00een \u00ean R\u00eaber Apo ev e. Azadiya jin\u00ea t\u00ea wateya azadiya civak\u00ea. Mezinkirina v\u00ea t\u00eako\u015f\u00een\u00ea \u00fb misogerkirina ku jin di navenda p\u00eavajoya civak\u00ee de cih bigirin, di avakirina a\u015ftiy\u00ea de gaveke kr\u00eet\u00eek e. Jiyana b\u00ea jin, ne jiyan e. Siyasetek b\u00ea jin ne siyaset e. Ji ber v\u00ea yek\u00ea \u00e7areseriya b\u00eay\u00ee jin\u00ea ne \u00e7areser\u00ee ye. A\u015ftiyek b\u00ea jin ne a\u015ft\u00ee ye. Div\u00ea em v\u00ea rastiy\u00ea ba\u015f f\u00eam bikin.<\/p>\n<p><strong>XWED\u00ce DERKETINA JINAN A LI P\u00caVAJOY\u00ca MESELEYEK A HEB\u00dbN\u00ca YE<\/strong><\/p>\n<p>K\u00fbrkirina n\u00eejatperestiy\u00ea, p\u00ea\u015fiya qetilkirina jinan vedike. R\u00ea da ku desthilatdariya m\u00ear ji n\u00fb ve xurt bibe \u00fb tund\u00ee z\u00eadetir bibe. Tekperest\u00ee, yan\u00ee ji dervay\u00ee \u00eeradeya xwe tu rast\u00ee nasnekirin, li Tirkiy\u00ea bi \u015fer\u00ea ku li hember\u00ee gel\u00ea Kurd t\u00ea me\u015fandin re z\u00eadetir belav b\u00fbye. Ji ber v\u00ea ten\u00ea bi serweriya m\u00ear \u00ea ku t\u00ea zan\u00een z\u00eadetir, di heman dem\u00ea de div\u00ea em behsa tundiya m\u00ear \u00ea ku \u015fer w\u00ee xwed\u00ee dike j\u00ee bikin.<\/p>\n<p>Di v\u00ea \u00e7ar\u00e7ovey\u00ea de p\u00eakan\u00eena a\u015fitiya civak\u00ee ji bo jinan j\u00ee w\u00ea \u00e7areseriy\u00ea b\u00eene. Ti\u015ft\u00ea ku tundiya m\u00ear ji hol\u00ea rake ev e. Xwed\u00ee derketina jinan a v\u00ea p\u00eavajoy\u00ea meseleyek a heb\u00fbn\u00ea ye. \u00c7areserkirina pirsgir\u00eak\u00ean Tirkiy\u00ea y\u00ean hey\u00ee t\u00ea wateya \u00e7areserkirina pirsgir\u00eaka jinan a heb\u00fbn \u00fb azadiy\u00ea. Di navbera \u00e7areseriya pirsgir\u00eaka Kurd \u00fb \u00e7areseriya pirsgir\u00eaka jin\u00ea de peywendiyek rast heye.<\/p>\n<p>Di v\u00ea \u00e7ar\u00e7avoy\u00ea de dixwazim bal\u00ea bik\u015f\u00eenim ser xwi\u015fk \u00fb biratiya gelan j\u00ee. T\u00eageha xwi\u015fk \u00fb birat\u00ee, her \u00e7end\u00ee di b\u00eera gel\u00ean bi\u00e7\u00fbk de wateyek\u00ee er\u00ean\u00ee were dest girtin j\u00ee, di civaka ku bi zayendperestiy\u00ea hatiye h\u00fbnandin de li ser hiyerar\u015fiya biray\u00ea mezin \u00fb bi\u00e7\u00fbk rol dil\u00eeze. Ji ber v\u00ea, bi ten\u00ea ser\u00ea xwe \u00eefadey\u00ean wek, &#8220;xwi\u015fk-biratiya Kurd \u00fb Tirk&#8221; nebes in. Dewsa v\u00ea div\u00ea em bal bik\u015f\u00eenin ser hevaltiya gelan a di nav wekhev\u00ee \u00fb jiyanek\u00ea azad de.\u00a0 Ji aliy\u00ea jinan ve were n\u00ear\u00een, rew\u015fa ku em niha t\u00ea de ne, w\u00ea jin p\u00ea\u015fiya rijandina xw\u00een\u00ea bigirin. Eql\u00ea m\u00ear v\u00ea pirsgir\u00eak\u00ea \u00e7areser nekir \u00fb nikare \u00e7areser j\u00ee bike. Eql\u00ea m\u00ear\u00ea serwer ne jiyaneke wekhev, tahakum \u00fb \u00eetaat\u00ea ferz kir. Di bingeha qeyrana hey\u00ee ya \u015fer\u00ea cihan\u00ea s\u00eayem\u00een \u00fb sedsala daw\u00ee ya komara Tirkiy\u00ea de ev yek heye.<\/p>\n<p>Komar di ketina xwe ya sedsala duyem\u00een de li Kurdistan \u00fb Tirkiy\u00ea \u00eerade \u00fb r\u00eaxistinb\u00fbnek xurt a jinan dihew\u00eene. Sedsalek ber\u00ea \u015fansek\u00ee wiha tuneb\u00fb. Dema em p\u00eavajoya avab\u00fbna Tirkiy\u00ea m\u00eaze dikin, dibe ku hin r\u00eaxistinb\u00fbn \u00fb f\u00eegur\u00ean jin hebin j\u00ee, ji bo jin bi awayek\u00ea azad \u00fb wekhev heb\u00fbna xwe bidom\u00eenin tevger\u00ean girsey\u00ee tuneb\u00fbn. L\u00ea bel\u00ea \u00eero, tevgera jin\u00ean Kurd a ku t\u00eako\u015f\u00eena azadiy\u00ea ya 50 salan derxistiye hol\u00ea heye. B\u00eerdoz\u00ee, nirx \u00fb zihniyeta v\u00ea tevger\u00ea \u00e7\u00eab\u00fbye. Norm\u00ean civak\u00ee y\u00ean exlaq\u00ee y\u00ean ku div\u00ea jin bi m\u00ear re peywendiyek \u00e7awa deyne, ji desthilatdariya m\u00ear \u00e7awa qut bibe, wek nirx derketine hol\u00ea.<\/p>\n<p>Li mil\u00ea din li Tirkiy\u00ea tevger\u00ean jin \u00ean fem\u00een\u00eest, jin\u00ean rew\u015fenb\u00eer \u00fb wek tevger\u00ean jin\u00ean Misilman hin kom\u00ea jinan hene ku ji derdor\u00ean cuda hatine, t\u00eako\u015f\u00eena v\u00ea didin \u00fb maf\u00ea xwe dipar\u00eazin. Ev h\u00eaz\u00eak\u00ea mezin e \u00fb div\u00ea bi\u00e7\u00fbk ney\u00ea d\u00eet\u00een.<\/p>\n<p>L\u00ea bel\u00ea ev \u00eerade h\u00eena j\u00ee tam neb\u00fbye yek. Per\u00e7e per\u00e7e ye. Dibe ku carna digih\u00eejin hev, l\u00ea ne domdar e \u00fb veneguheriy\u00ea mekan\u00eezmayek\u00ee ku xwe xurt dike. Eger em dixwazin p\u00ea\u015f\u00ee li \u015fer \u00fb komkujiya jinan bigirin, div\u00ea wek jin rola xwe bil\u00eezin.<\/p>\n<p>Eger dest\u00fbrek\u00ee bingeh\u00een a demokrat\u00eek were amadekirin, div\u00ea jin bi awayek\u00ee r\u00eaxistinkir\u00ee \u00fb serbixwe tevl\u00ee v\u00ea p\u00eavajoy\u00ea bibin. Li hember\u00ee pirsgir\u00eak\u00ean pergala dewlet\u00ea ya navendperestiy\u00ea, div\u00ea r\u00eaveberiy\u00ean xwecih\u00ee werin xurtkirin \u00fb \u00eeradeya jin\u00ea bi awayek \u00e7alak tevl\u00ee v\u00ea p\u00eavajoy\u00ea bibe. Div\u00ea wek jin em li kolanan, taxan, nav\u00e7e \u00fb bajaran n\u00eeqa\u015f bikin ku em \u00ea \u00e7awa v\u00eena xwe deynin hol\u00ea. Ji siyaset heta ewlekar\u00ee, ji abor\u00ee heta tendur\u00eest\u00ee, ji perwerde heta m\u00eemar\u00ee di her qad\u00ea de div\u00ea jin bi awayek wekhev t\u00ea de cih bigire.<\/p>\n<p>Di komara n\u00fb de dema peywendiya jin \u00fb m\u00ear a wekhev \u00fb azad avakirin\u00ea \u00eero ye. Div\u00ea ten\u00ea li ser p\u00eavajoya rojane l\u00eah\u00fbr nebin, ten\u00ea bi d\u00eerok\u00ee j\u00ee m\u00eaze nekin. \u00cero, em di serdemek\u00ea ku div\u00ea ked \u00fb eql\u00ea jin\u00ea h\u00een z\u00eadetir tevl\u00ee p\u00eavajoy\u00ea were kirin de ne.<\/p>\n<p>Ji ber v\u00ea \u00e7i Kurd, Tirk, Ereb, Ermen\u00ee, Laz, Tirkmen, Terekeme, Gurcu, S\u00fbryan\u00ee be, div\u00ea hem\u00fb jin bi h\u00eav\u00ee \u00fb e\u015fqeke mezin tevl\u00ee v\u00ea p\u00eavajoy\u00ea bibin. Dibe ku Misilman, Xiristiyan, Elew\u00ee, Sun\u00ee an j\u00ee bawer\u00ee \u00fb ji mezhebek\u00ee cuda j\u00ee be, qet ferq nake. Nasnameya w\u00ea \u00e7i dibe bila bibe \u00eeradeya her jin\u00ea heye. Ya gir\u00eeng v\u00ea \u00eeradey\u00ea gihandina p\u00eakhateyek\u00ea bir\u00eaxistinkir\u00ee.<\/p>\n<p>Div\u00ea ev bi perspekt\u00eefek \u00e7awa were kirin? Ji bo Tirkiyeyek\u00ea demokrat\u00eek, ji bo gel wekhev \u00fb azad bij\u00een, ol \u00fb mezheb xwe bi awayek azad \u00eefade bikin, jiyanek\u00ea watedar were avakirin, rolek\u00ea gir\u00eeng dikeve ser mil\u00ea jinan. Ji ber v\u00ea div\u00ea jin li her der\u00ea a\u015fit\u00ee \u00fb \u00e7areseriyan n\u00eeqa\u015f bikin. \u00c7awa ku Dayik\u00ean A\u015ftiy\u00ea bi gotina, &#8220;em dest\u00ea xwe ji a\u015ftiy\u00ea re dir\u00eaj dikin&#8221; tevgerek dan destp\u00ea kirin, div\u00ea wek jin em j\u00ee ji \u00e7areseriy\u00ea re dest\u00ea xwe dir\u00eaj bikin \u00fb li her der\u00ea v\u00ea mijar\u00ea n\u00eeqa\u015f bikin.<\/p>\n<p>Div\u00ea bi dayik\u00ean le\u015fkeran, \u00e7epgir, rastgir, jin\u00ean gund, karker, akadem\u00eesyen \u00fb ji her be\u015f\u00ea civak\u00ea jinan re werin gel hev \u00fb \u00e7areseriyek hevpar derxin hol\u00ea. Div\u00ea n\u00eeqa\u015f ten\u00ea di asta axaftin\u00ea de nem\u00eene, div\u00ea perspekt\u00eefek jin\u00ea \u00e7\u00eabibe \u00fb bi eql\u00ea jin\u00ea welatek \u00e7awa were avakirin, em deyn\u00een hol\u00ea.<\/p>\n<p>Wijdan \u00fb eql\u00ea jin\u00ea di her kar\u00ee de hesas \u00fb t\u00eet\u00eez e. \u015eewata li Bol\u00fby\u00ea, xaniy\u00ea ku li Konyay\u00ea r\u00fbxiya, di pergala wijdana jin\u00ea de nedihatin jiyankirin. Jin kar bi hezkirin \u00fb jiyana mirov ber\u00e7avgirtin\u00ea dikin. Ji ber v\u00ea dema peywendiy\u00ean jin \u00fb m\u00ear \u00fb hem\u00fb qad\u00ean civak\u00ea ji n\u00fb ve t\u00ean avakirin, div\u00ea em bi \u00eeradeya jin\u00ea ya r\u00eaxistinkir\u00ee tevbigerin. Div\u00ea jin di v\u00ea mijar\u00ea de werek bin \u00fb li xwe bawer bin. Her ku \u00e7areser\u00ee civak\u00ee bibe, w\u00ea may\u00eende bibe. Eger jin qanih bibin, a\u015ft\u00ee p\u00eak b\u00eenin, w\u00ea hem\u00fb civak a\u015ft\u00ee p\u00eak b\u00eenin. H\u00eav\u00ee, di \u00eeradeya r\u00eaxistinkir\u00ee \u00fb t\u00eako\u015f\u00eena jin\u00ea de ye.<\/p>\n<p><strong>DIV\u00ca \u015eORE\u015eA JIN\u00ca BIBE MAL\u00ca TEVAHIYA S\u00dbRIYEY\u00ca<\/strong><\/p>\n<p>Meyl\u00ean c\u00eehad\u00eest ku ji S\u00fbriy\u00ea ber bi Efganistan\u00ea ve dir\u00eaj dibin, armanc dikin ku destketiy\u00ean jinan tine bikin. Hov\u00eetiya li Efgan\u00eestan\u00ea t\u00ea jiy\u00een, li her devera Efr\u00eeka Bakur \u00fb Rojhilata Nav\u00een j\u00ee dert\u00ea hol\u00ea. Bi hatina HT\u015e&#8217;\u00ea ya li S\u00fbriyey\u00ea re, ji bo jinan tabloyeke h\u00een girantir derdikeve hol\u00ea. P\u00eakan\u00een\u00ean weke j\u00eabirina nav\u00ean kesayet\u00ean jin \u00ean d\u00eerok\u00ee ji mufredata perwerdey\u00ea, zilma s\u00eestemat\u00eek a li jin\u00ea radixe p\u00ea\u015f \u00e7avan. Zen\u00fbbiya di d\u00eerok\u00ea de qehremanek mezine. Hewldana derxistina nav\u00ea w\u00ea ji mufredatan, z\u00eehniyeta dij\u00ee jin\u00ea bi awayek\u00ee zelal radixe ber \u00e7avan.<\/p>\n<p>\u015eore\u015fa ku li Bakur \u00fb Rojhilat\u00ea S\u00fbriy\u00ea t\u00ea jiy\u00een di nava tar\u00eetiya Rojhilata Nav\u00een heta li c\u00eehan\u00ea weke st\u00earkeke birqok e. Ji ber r\u00eaxistinb\u00fbna jin\u00ea, tevl\u00eeb\u00fbna w\u00ea di r\u00eaveberiy\u00ea de, xweparastin \u00fb azadb\u00fbna w\u00ea, ev her\u00eam her tim rast\u00ee \u00ear\u00ee\u015f\u00ean c\u00eehad\u00eest \u00fb desthilatdaran hat. \u015eer\u00ea ku YPJ&#8217;\u00ea daye me\u015fandin \u00fb r\u00eaxistinb\u00fbyina jin\u00ea ya civak\u00ee, ji bo c\u00eehan\u00ea b\u00fbye \u00e7avkaniya \u00eelham\u00ea. \u015eore\u015fa jin\u00ea ne ten\u00ea p\u00ea\u015fketineke her\u00eam\u00ee ye, ji bo c\u00eehan\u00ea \u00e7avkaniya h\u00eaviy\u00ea ye.<\/p>\n<p>Rastiyek a HT\u015e\u2019\u00ea heye. HT\u015e&#8217;\u00ea \u015eam dagir kir \u00fb dest dan\u00ee ser desthilatdariy\u00ea. Ji v\u00ea re gotin \u015fore\u015f. Li vir bi rast\u00ee j\u00ee rew\u015feke cid\u00ee heye. HT\u015e\u2019\u00ea ji avaniya \u00e7eteyan p\u00eak t\u00ea \u00fb an\u00een ser desthilatdariy\u00ea. N\u00eaz\u00eekatiyeke wan a li hember\u00ee jin\u00ea heye. Li S\u00fbriyey\u00ea dewlemend\u00ee \u00fb \u00eeradeyeke gel a dewlemend heye. Ev yek ne ten\u00ea wek gotin an j\u00ee nav, wek p\u00eakhateyek d\u00eerok\u00ee \u00fb \u00e7and\u00ee ya rast\u00een heye. Gel\u00ean li S\u00fbriyey\u00ea xwed\u00ee taybetmendiyeke ku r\u00eagez\u00ean xwe y\u00ean \u00e7and\u00ee dipar\u00eazin. Di v\u00ea watey\u00ea de gelek\u00ee berxwed\u00ear e. Dibe ku r\u00eaxistinb\u00fbneke wan n\u00eene, l\u00ea bel\u00ea avaniya wan a \u00e7and\u00ee berxwed\u00ear e. Jin j\u00ee wisa ne. Jin\u00ean S\u00fbriyey\u00ee ne m\u00eena jin\u00ean li erdn\u00eegariyeke din in. S\u00fbriye ne m\u00eena Efgan\u00eestan\u00ea ye. S\u00fbriye taybetmendiy\u00ean xwe hene. Ji ber v\u00ea yek\u00ea, gotin\u00ean \u2018\u015fore\u015fa\u2019 ku bi hatina HT\u015e\u2019\u00ea re p\u00eak hat, w\u00ea azadiyan b\u00eene, rastiy\u00ea n\u00ee\u015fan nade. Ev \u00e7\u00eerokeke \u00e7\u00eakir\u00ee ye.<\/p>\n<p>Ji n\u00fb ve avakirina S\u00fbriyey\u00ea di rojev\u00ea de ye. P\u00eaw\u00eeste ev nirxandin hem di war\u00ea S\u00fbriyey\u00ea de hem j\u00ee di war\u00ea Tirkiyey\u00ea de b\u00ea kirin. S\u00eenor\u00ean Rojhilata Nav\u00een ji n\u00fb ve t\u00ean x\u00eazkirin. Di v\u00ea p\u00eavajoy\u00ea de Komara S\u00fbriyey\u00ea j\u00ee bi rengek\u00ee ku \u00eeradeya jin\u00ea neb\u00eene, hate avakirin. Ji ber v\u00ea yek\u00ea li S\u00fbriyey\u00ea her tim pirsgir\u00eak\u00ean jinan heb\u00fbn. Niha, bi HT\u015e&#8217;\u00ea re tabloyek h\u00een xedartir derket hol\u00ea.<\/p>\n<p>Tecrubeyeke gir\u00eeng li Bakur \u00fb Rojhilat\u00ea S\u00fbriy\u00ea p\u00eak t\u00ea. Li qadek \u015fore\u015fa jin\u00ea p\u00eak t\u00ea, li qad\u00ean din j\u00ee rastiyeke cuda ya r\u00eaveberiy\u00ea heye. Ji ber v\u00ea yek\u00ea div\u00ea mod\u00eala Bakur \u00fb Rojhilat\u00ea S\u00fbriy\u00ea li tevahiya S\u00fbriy\u00ea belav bibe \u00fb ev \u015fore\u015fa jinan bibe mal\u00ea tevahiya S\u00fbriyey\u00ea. Demokrat\u00eekb\u00fbna S\u00fbriyey\u00ea ancex bi v\u00ea yek\u00ea dikare p\u00eak were.<\/p>\n<p>Di v\u00ea p\u00eavajoy\u00ea de berpirsyariyeke mezin dikeve ser mil\u00ea tevger\u00ean jinan \u00ean Bakur \u00fb Rojhilat\u00ea S\u00fbriy\u00ea. Tecrubey\u00ean wan \u00ean 12 salan hene. Ev ne ti\u015ftek\u00ee ku b\u00ea bi\u00e7\u00fbkkirin e. Modeleke ku jin di pol\u00eet\u00eeka, tendurist\u00ee, perwerde, abor\u00ee, ewlekar\u00ee \u00fb hem\u00fb qad\u00ean civak\u00ee de cih digirin, hatiye avakirin. Mekan\u00eezmay\u00ean wek\u00ee pergala hevserokatiy\u00ea \u00fb mecl\u00ees\u00ean jinan hatin p\u00ea\u015fxistin. Div\u00ea ev model li hem\u00fb S\u00fbriyey\u00ea belav bibe.<\/p>\n<p>P\u00eaw\u00eeste ev p\u00eavajo bi p\u00eakan\u00eena civ\u00een\u00ean jinan, r\u00eaxistinkirina jinan, \u00eensiyat\u00eef \u00fb platforman b\u00ean avakirin \u00fb li zem\u00eeneke berfirehtir were belavkirin. Siberoj di dest\u00ea jinan de ye. Bi v\u00ea hi\u015fmendiy\u00ea hem div\u00ea t\u00eabiko\u015fin \u00fb hem j\u00ee tevl\u00ee p\u00eavajoya avakirin\u00ea bibin.<\/p>\n<p><strong>PARASTINA \u015eORE\u015eA JIN\u00ca BERPIRSYARIYA HEVPAR A TEVGER\u00caN JINAN \u00caN C\u00ceHAN\u00ca YE<\/strong><\/p>\n<p>Pi\u015ftgiriya tevger\u00ean jinan \u00ean Rojhilata Nav\u00een \u00fb c\u00eehan\u00ea pir gir\u00eeng e. \u015eore\u015fa jin\u00ea heq\u00eeqeteke gerd\u00fbn\u00ee ye. \u00c7awa ku pirsgir\u00eaka jin\u00ea gerd\u00fbn\u00ee ye, \u00e7areseriya w\u00ea j\u00ee bi v\u00ee reng\u00ee ye. \u015eore\u015fa jinan li Bakur \u00fb Rojhilat\u00ea S\u00fbriy\u00ea ji bo hem\u00fb jinan \u00e7avkaniya ronahiy\u00ea ye. Nirxek\u00ee wiha ye ku gelan ron\u00ee dike. Div\u00ea were parastin. Ji ber v\u00ea yek\u00ea div\u00ea tevger\u00ean jinan \u00ean Rojhilata Nav\u00een \u00fb c\u00eehan\u00ea xwed\u00ee li \u015fore\u015fa jin\u00ea ya Bakur \u00fb Rojhilat\u00ea S\u00fbriy\u00ea derkevin, bipar\u00eazin \u00fb pi\u015ftgiriya w\u00ea bikin. Ev ne ten\u00ea meseleyeke her\u00eam\u00ee ye, meseleyeke jin\u00ea ya gerd\u00fbn\u00ee ye. Ji 50 welatan 650 jin ji bo pi\u015ftgiriya v\u00ea \u015fore\u015f\u00ea daxuyan\u00ee dan. Ev p\u00eangaveke pir bi wate \u00fb gir\u00eeng b\u00fb. Lazim e ev pi\u015ftgir\u00ee h\u00een b\u00eahtir berfireh bibe. Parastina v\u00ea \u015fore\u015fa jin\u00ea, berpirsyariya hevpar a hem\u00fb tevger\u00ean jinan \u00ean li gelemperiya c\u00eehan\u00ea ye.<\/p>\n<p>Li \u00ceran\u00ea darvekirin\u00ean jinan nasekine. M\u00eena ku li be\u015f\u00ean din \u00ean civak\u00ea, bi taybet\u00ee j\u00ee li dij\u00ee jin\u00ea \u00eedam dewam dikin. P\u00ea\u015feng\u00ean jin \u00ean weke Pex\u015fan Ez\u00eez\u00ee \u00fb Wer\u00ee\u015fa M\u00fbrad\u00ee di t\u00eako\u015f\u00eena Jin Jiyan Azad\u00ee de rola p\u00ea\u015fengiy\u00ea l\u00eestine. Dema ku em behsa \u015fore\u015fa jin\u00ea dikin, em behsa t\u00eako\u015f\u00eena jin\u00ea \u00fb destketiy\u00ean w\u00ea j\u00ee dikin. Ev jin p\u00ea\u015feng \u00fb berxwed\u00ear in. Li Rojhilat\u00ea Kurdistan\u00ea nirx\u00ean ku bi bedel\u00ean mezin hatine bidestxistin hene. Cezay\u00ea \u00eedam\u00ea ji xwe p\u00eakan\u00eeneke li dervey\u00ee mirovahiy\u00ea ye. Ji ber v\u00ea berxwedana jinan a li \u00ceran\u00ea gir\u00eeng e.<\/p>\n<p><strong>DIV\u00ca EM KOMPLOY\u00ca BI TEMAM\u00ce VALA DERXIN<\/strong><\/p>\n<p>Em dikevin meha Sibat\u00ea.15&#8217;\u00ea Sibat\u00ea salvegera komploya li dij\u00ee R\u00eabert\u00ee ye. Yan\u00ee 26 sal derbas b\u00fb \u00fb dikeve sala xwe ya 27\u2019an. Bi v\u00ea wes\u00eeley\u00ea div\u00ea were zan\u00een ku R\u00eaber Apo di nava van 26 salan de berxwedaneke mezin n\u00ee\u015fan da. Ev berxwedan h\u00ea j\u00ee didome.<\/p>\n<p>Gir\u00eengiyeke mezin e ku R\u00eabertiya me di v\u00ea p\u00eavajoy\u00ea de ji h\u00eala fiz\u00eek\u00ee ve azad bibe. Eger bi rast\u00ee j\u00ee p\u00eavajoyek p\u00ea\u015f bikeve, eger t\u00ea xwestin n\u00eaz\u00eekatiyeke sam\u00eem\u00ee, cid\u00ee \u00fb hevgirt\u00ee b\u00ea kirin, ev yek ji bo misogerkirina azadiya f\u00eez\u00eek\u00ee ya R\u00eabert\u00ee p\u00eaw\u00eestiyeke bingeh\u00een e. R\u00eaber Apo di v\u00ea mijar\u00ea de her tim n\u00eaz\u00eekatiyeke mutewaz\u00ee raber kiriye. Bi wes\u00eeleya 15&#8217;\u00ea Sibat\u00ea em bang li gel\u00ea Kurd, bi taybet\u00ee jin\u00ean Kurd, civaka Kurd \u00ean li Ewropay\u00ea \u00fb dost\u00ean c\u00eehan\u00ea dikin ku v\u00ea sal\u00ea veguher\u00eenin sala t\u00eakbirina komploy\u00ea \u00fb misogerkirina azadiya f\u00eez\u00eek\u00ee ya R\u00eabert\u00ee.<\/p>\n<p><strong>LI TI\u015eR\u00ceN\u00ca D\u00ceROK JI N\u00db VE T\u00ca NIV\u00ceSANDIN<\/strong><\/p>\n<p>Berxwedana gel\u00ea Rojava, gel\u00ea Koban\u00ea \u00fb gel\u00ean Bakur \u00fb Rojhilat\u00ea S\u00fbriy\u00ea didome. Li xeta Til Temir \u00fb li her\u00eama Sir\u00een \u00ear\u00ee\u015f berdewam dikin. \u00c7alakiy\u00ean neraz\u00eeb\u00fbn\u00ea y\u00ean li Bendava Ti\u015fr\u00een\u00ea t\u00ean lidarxistin, hedef t\u00ean girtin. Li Koban\u00ea li dij\u00ee gel \u00ear\u00ee\u015f t\u00ean kirin. Ya rast, li Rojava bi taybet\u00ee li Koban\u00ea li dij\u00ee DA\u00ce\u015e&#8217;\u00ea \u015ferek\u00ee mezin hat me\u015fandin. D\u00eerok ji n\u00fb ve hat niv\u00eesandin. L\u00ea bel\u00ea li Ti\u015fr\u00een\u00ea ev d\u00eerok careke din t\u00ea niv\u00eesandin.<\/p>\n<p>Li Ti\u015fr\u00een\u00ea gel bi w\u00earek\u00ee, biryardar\u00ee \u00fb hevgirt\u00ee xaka xwe dipar\u00eaze. Bendav li vir ten\u00ea sembolek e; Esas, gel azad\u00ee \u00fb heb\u00fbna xwe dipar\u00eaze. Jin azadiya xwe dipar\u00eazin. Hunermend li nirx\u00ean xwe xwed\u00ee derdikevin. Ev berxwedan ne ten\u00ea ji bo gel\u00ea Kurd, ji bo tevahiya gel\u00ean c\u00eehan\u00ea m\u00eenak \u00fb n\u00ee\u015faneya feda\u00eeb\u00fbneke mezin e. Bi mezinkirina r\u00eaxistinb\u00fbna xwe re em \u00ea h\u00eaviya xwe bi xwe biafir\u00eenin \u00fb siberoja xwe ava bikin.\u201d<\/p>\n<p>&nbsp;<\/p>\n","protected":false},"excerpt":{"rendered":"<p>Dogu: Div\u00ea jin ji bo p\u00eavajoya \u00e7areseriy\u00ea tevkariy\u00ea bikin Endama Konseya R\u00eaveber a KJK&#8217;\u00ea \u00c7\u00eegdem Dogu got, &#8220;Misogerkirina heb\u00fbna jin li navenda p\u00eavajoya civak\u00ee, di avakirina a\u015ftiy\u00ea de p\u00eangaveke kr\u00eet\u00eek e. Xwed\u00eederketina jinan a li v\u00ea p\u00eavajoy\u00ea, meseleyek a heb\u00fbn\u00ea ye.&#8221; &nbsp; \u00c7\u00ceGDEM DOGU ANF \u00c7\u00eegdem Dogu, da xuyakirin ku di navbera \u00e7areseriya pirsgir\u00eaka Kurd [&hellip;]<\/p>\n","protected":false},"author":1,"featured_media":1262,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[19],"tags":[],"class_list":["post-1261","post","type-post","status-publish","format-standard","has-post-thumbnail","hentry","category-jin"],"_links":{"self":[{"href":"https:\/\/kurdi.komunar.net\/index.php?rest_route=\/wp\/v2\/posts\/1261","targetHints":{"allow":["GET"]}}],"collection":[{"href":"https:\/\/kurdi.komunar.net\/index.php?rest_route=\/wp\/v2\/posts"}],"about":[{"href":"https:\/\/kurdi.komunar.net\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/kurdi.komunar.net\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/kurdi.komunar.net\/index.php?rest_route=%2Fwp%2Fv2%2Fcomments&post=1261"}],"version-history":[{"count":1,"href":"https:\/\/kurdi.komunar.net\/index.php?rest_route=\/wp\/v2\/posts\/1261\/revisions"}],"predecessor-version":[{"id":1263,"href":"https:\/\/kurdi.komunar.net\/index.php?rest_route=\/wp\/v2\/posts\/1261\/revisions\/1263"}],"wp:featuredmedia":[{"embeddable":true,"href":"https:\/\/kurdi.komunar.net\/index.php?rest_route=\/wp\/v2\/media\/1262"}],"wp:attachment":[{"href":"https:\/\/kurdi.komunar.net\/index.php?rest_route=%2Fwp%2Fv2%2Fmedia&parent=1261"}],"wp:term":[{"taxonomy":"category","embeddable":true,"href":"https:\/\/kurdi.komunar.net\/index.php?rest_route=%2Fwp%2Fv2%2Fcategories&post=1261"},{"taxonomy":"post_tag","embeddable":true,"href":"https:\/\/kurdi.komunar.net\/index.php?rest_route=%2Fwp%2Fv2%2Ftags&post=1261"}],"curies":[{"name":"wp","href":"https:\/\/api.w.org\/{rel}","templated":true}]}}